- Xəstə, müayinə olduqdan sonra onun üçün planlaşdırılmış müalicəni rədd etdiyi zaman, yarana biləcək fəsadlar haqqında həkim tərəfindən məlumatlandırılır, xəstə təkid edərsə bu zaman bütün məsuliyyət xəstəyə aid olur.
- Xəstə xəstəxanamızda müalicə olduğu ərəfədə kənardan qida məhsullarının gətirilməsi onun sağlamlığı üçün ziyanlı ola biləcəyi baxımından qadağan olunur. Yalnız xüsusi hallarda müalicə həkimi və xəstəxana dietoloqunun icazəsi ilə istisnalar ola bilər.
- Xəstəxanaya stasionar müalicəyə daxil olarkən pul və zinət əşyalarınızı özünüzlə gətirməyin, itən əşyalara görə xəstəxana məsuliyyət daşımır.
- Xəstələrlə ziyarət saatları I-VI günlər 19:00-21:00; bazar və bayram günləri 12:00-14:00, 19:00-21:00 olaraq müəyyən edilmişdir.
- Görüş zamanı xəstə otağına eyni vaxtda 2 nəfərdən artıq şəxsin daxil olmasına icazə verilmir.
- Xəstə yanında qalan şəxs müəyyən edilmiş miqdarda ödəniş edir və həmin şəxsin qidalanması da ödənilən məşləğə daxildir. Əlavə olaraq xəstə yaxını öz istəyi ilə xəstəxananın yeməkxanasından ödənişli olaraq istifadə edə bilər.
- Xəstə yaxınının otaqda qalma müddəti səhər saat 11:00-da bitmək şərti ilə 1 gün hesablanır.
- Stasionar müalicəyə daxil olmuş xəstə qaldığı bütün müddət ərzində xəstəxana tərəfindən geyim və lazımi şəxsi gigiyena vasitələri ilə təmin edilir
- Əməliyyatdan sonra xəstə evə yazıldıqdan sonra ilk müayinə və sarğı ödənişsizdir.
- Xəstəyə arayış, bülleten və ya klinikamızda müalicə alması ilə bağlı hər hansı bir sənədin verilməsi üçün şəxsiyyət vəsiqəsi təqdim olunmalıdır.
- Xəstəxana daxilində, otaqlarda və palatalarda siqaret çəkilməsi və alkoqollu içkilərin qəbul edilməsi qəti qadağandır.
Xəstə və xəstə yaxınlarının hüquqları və vəzifələri
- Xəstə və xəstə yaxınları istənilən vaxt xəstəxanamızda aldığı xidmətlər haqqında detallı məlumat ala bilər.
- Xəstə aldığı müalicə, keçdiyi fizikal, instrumental və laborator müayinələrin nəticələrinin surətini istədiyi vaxt götürə bilər.
- Xəstə və ya ödəyən xəstə yaxını xəstəxanaya ödədiyi məbləğin açıq hesab fakturasını hər mərhələdə tələb edə bilər.
- Xəstə müalicə dövründə başqa bir müalicə mərkəzinə köçürülməsini tələb edə bilər.
- Xəstə şikayət, təklif və iradlarını azad şəkildə bildirmək hüququna malikdir və xəstəxana bunun üçün bütün imkanları yaratmışdır.